الفرقة الوطنية ديال الجدارمية بدات لونكيط فقضية سرقة فلوس صحيحة ومجوهرات من الدار ديال الدولة لي ساكن فيها قائد درك أولاد صالح

الفرقة الوطنية لأبحاث القضائية التابعة لجهاز الجندارم دخلات على خط قضية تعرض دار قائد مركز درك اولاد صالح لي تابع لسرية درك بسكورة نواحي كازا للشفرة بطريقة غريبة ، بحيت تم سرقة مبالغ مالية كبيرة ومجوهرات بعدما كان قائد المركز في عطلة .

المصدر ديال “كود ” ،ان دخول الفرقة الوطنية على هذا الملف جاء بتعليمات من الوكيل العام ديال محكمة الاستئناف بكومناف ،ولي امر هذا الأخيرة بفتح بحث قضائي جديدة ،بعدما فشل المركز القضائي ببسكورة هاذي أسبوع ، باش فك طلاسم هذا الجريمة ولي وقعات داخل ثكنة الدرك ديال اولاد صالح نواحي كازا ،بحيت غادي تحل عناصر الفرقة اليوم الجمعة مسرح الجريمة .

المصدر ذاته قال ،ان عناصر الفرقة الوطنية توصلات بنسخة من المسطرة لي كانت عناصر المركز القضائي ستمعات الى جيران وأقارب قائد مركز اولاد صالح ولي معطا تا تيجة ، دبا راه مجيئ الفرقة إلى ثكنة الدرك غادي تباشر مجموعة من الابحاث التقنية والعلمية واستقراء كاميرات وإعادة الاستماع إلى الناس ولي توافدو على المنزل الوظيفي .

وكان قائد المركز تفاجأ بسرقة منزله بعدما عاد من السفر رفقة الأسرة ديالو ،والأمر لي جعلو اخبر قائد سرية بسكورة تم القائد الجهوي لدرك كازا ولي تسب هذا الاخبار بحالة استنفار امني كبير ،حيت حل كبار المسؤولين والمركز القضائي ديال بوسكورة وفرقة التشخيص القضائي ديال حهوية كازا ولي عمل على رفع البصمات من مسرح الجريمة وتفتح اونكيط .

المصدر

https://www.goud.ma